Faiz Gözləntilərini Yenidən Formalaşdıra Biləcək Həftə

Bəzən bir həftəlik iqtisadi məlumatlar bütün aktiv sinifləri üçün mövcud mənzərəni dəyişdirmək gücünə malik olur — bu həftə məhz belə bir həftədir.

ABŞ-dan Avropaya, Yaponiyadan Çinə qədər əsas iqtisadiyyatlar inflyasiyanın həqiqətən zəiflədiyini, yoxsa səssizcə yenidən artmağa başladığını göstərəcək məlumatlar açıqlayır.

Bütün bunların mərkəzində kifayət qədər qiymətləndirilməyən bir göstərici dayanır: İstehsalçı Qiymətləri İndeksi (PPI) və bu həftəki göstərici son iki ildən də artıq müddətdə ən həlledici rol oynaya bilər.

İstehsalçı Qiymətləri İndeksi (PPI) Nədir?

İstehsalçı Qiymətləri İndeksi (PPI)-ni inflyasiya üçün erkən xəbərdarlıq sistemi kimi düşünün. Əksər insanlar mağazada ödədikləri qiymətləri göstərən İstehlakçı Qiymətləri İndeksini (CPI) izləsə də, PPI istehsalçıların “yuxarı mərhələdə” ödədiyi qiymətləri ölçür: xammal, enerji resursları və istehsal xərcləri.

Niyə treyderlər və İnvestorlar İstehsalçı Qiymətləri İndeksinə Diqqət Yetirməlidirlər?

Çünki bu gün istehsalçıların çəkdiyi xərclər gələcəkdə istehlak qiymətlərinə çevrilir. Fabriklər və təchizatçılar artan xərcləri bir müddət sonra müştərilərə ötürürlər.

Nəticədə, PPI mərkəzi banklar, o cümlədən ABŞ Federal Ehtiyat Sistemi tərəfindən yaxından izlənən vacib erkən inflyasiya göstəricilərindən birinə çevrilir.

Qısaca: İstehsalçı Qiymətləri İndeksi inflyasiyanı istehlakçının cibinə çatmazdan əvvəl izləyir. İstehlakçı Qiymətləri İndeksini yüksəldikdə isə, istehsalçılar bunu artıq bir neçə ay əvvəl proqnozlaşdırmış olur.

Əgər aylıq proqnoz 1.2% səviyyəsində təsdiqlənərsə, bu, 2022-ci ilin aprelindən bəri ən yüksək PPI göstəricisi olacaq və həmin tarixdən sonra ilk dəfə 1% həddini aşmış olacaq.

İllik əsasda isə fevral göstəricisi artıq 3.4% səviyyəsində qeydə alınıb ki, bu da 2025-ci ilin yanvarından bəri ən yüksək səviyyədir.

Bu göstəricilər birlikdə onu göstərir ki, xərc təzyiqləri yox olmur — əksinə, səssiz şəkildə yenidən sürətlənə bilər.

İstehsalçı Qiymətləri İndeksi (PPI)-ın Hazırda Bazarın Ən Vacib Göstəricisi Olmasının Səbəbləri!

1. Enerji şokunu ötürmə testi.

İstehsalçı Qiymətləri İndeksi  rəsmi statistikada bu cür şokların ilk göründüyü yerdir; yüksək göstərici enerji şokunun daha geniş iqtisadiyyata ötürüldüyünü təsdiqləyir.

2. Federal Ehtiyat Sisteminin növbəti addımı:

Son İstehlakçı Qiymətləri İndeksinin göstəricisi 3.3% səviyyəsində gəldi və bu, 3.4% olan konsensus proqnozdan bir qədər aşağı idi. Bu isə Federal Ehtiyat Sisteminə faizləri sabit saxlamaq üçün bir qədər “nəfəs alma imkanı” verdi. Lakin yüksək İstehsalçı Qiymətləri İndeksi göstəricisi bu hesablamaları çətinləşdirə bilər.

Əsas İqtisadiyyatların Performansı

1. Amerika Birləşmiş Ştatları: İstehsalçı Qiymətləri İndeksi, sakit və diqqətli!

Bazarlar ümumilikdə mart ayı üçün İstehsalçı Qiymətləri İndeksi göstəricisini yaxından izləyəcək. Bu rəqəm xüsusilə neft qiymətlərindəki şok kontekstində daha da əhəmiyyət qazanır, çünki PPI enerji qiymətlərindəki pozuntuların iqtisadiyyatın daha geniş sahələrinə necə ötürüldüyünü göstərən ilk göstəricilərdən biri kimi qəbul olunur.

Analitiklər bildirirlər ki, enerji qiymət şoku hələlik ABŞ iqtisadiyyatında mal və xidmət bazarlarının qalan hissəsinə ciddi şəkildə yayılmayıb. Bu vəziyyət qarşıdan gələn aprel inflyasiya göstəricisinin əhəmiyyətini artırır və Federal Ehtiyat Sisteminə son İstehlakçı Qiymətləri İndeksi göstəricisinə (3.3%, konsensus proqnoz 3.4%-dən bir qədər aşağı) baxmayaraq faizləri sabit saxlamaq üçün əsas verə bilər. Ümumilikdə bu faktorlar faizlərin dəyişməz saxlanılması ehtimalını gücləndirir.

Analitiklər həmçinin qeyd edirlər ki, gələcəyə yönəlmiş sorğular bazarlar üçün xüsusi əhəmiyyət daşıyır, çünki onlar investorların enerji şokuna sektor səviyyəsində təsir gözləntilərini ölçür. İzlənəcək əsas iki göstərici Empire State Manufacturing Survey və Philadelphia Federal Reserve Index-dir. Bundan əlavə sənaye istehsalı göstəriciləri və həftəlik ilkin işsizlik müraciətləri də diqqət mərkəzində olacaq.

2. Avropa: İnflyasiya məlumatları sınaqdan keçirilir

Bazar diqqəti bir neçə əsas iqtisadiyyatın inflyasiya göstəricilərinə yönələcək, xüsusilə də cümə axşamı açıqlanacaq Avrozona İstehlakçı Qiymətləri İndeksi məlumatı ən çox diqqət çəkən göstərici olacaq. Bu açıqlama xüsusi əhəmiyyət daşıyır, çünki Avropa Mərkəzi Bankının bu ayın sonunda keçiriləcək növbəti iclasında faiz dərəcələrini artırmağa açıq yanaşdığı bildirilir.

Eyni zamanda, Birləşmiş Krallıq fevral ayı üzrə ÜDM rəqəmlərini açıqlayacaq. Gözləntilər yanvar ayında iqtisadiyyatın durğun qalmasından sonra cüzi bir yaxşılaşma olacağını göstərir.

3. Asiya: Yaponiyanın faiz siyasətinin şərhi

İnvestorlar Yaponiya Bankının rəhbərinin çıxışını diqqətlə analiz edəcək, faiz artımı ilə bağlı hər hansı siqnal axtaracaqlar. Lakin bu ümidlər artıq aprel iclası üçün bir qədər zəifləyib; buna qismən iki həftəlik atəşkəs razılaşması səbəb olub və bu inkişafın yaxın müddətdə inflyasiya təzyiqlərini azaltması gözlənilir.

Çində isə genişmiqyaslı iqtisadi göstəricilər diqqət mərkəzində olacaq. Mart ayı üzrə ticarət məlumatları və ilin birinci rübü üçün ÜDM artım rəqəmləri açıqlanacaq. Proqnozlar illik əsasda 4.9% artım göstərir ki, bu da ötən ilin son rübündə qeydə alınan 4.5%-dən yüksəkdir, lakin əvvəlki ilin eyni dövründəki 5.4% göstəricisindən xeyli aşağıdır.

Data təqvimini tamamlayan göstəricilər isə pərakəndə satışlar, əsas kapital investisiyaları və sənaye istehsalı olacaq. Bu göstəricilər Çinin daxili iqtisadi dinamizmini, yəni istehlak və investisiya tendensiyalarını qiymətləndirmək üçün əsas rol oynayır.